Pakistan updates

 اوگرا نے ایل پی جی کے گھریلو سلنڈر کی قیمتوں میں کمی کا نوٹیفکیشن جاری کردیا۔ نوٹیفکیشن کے مطابق فی کلو ایل پی جی کی نئی قیمت 6 روپے 71 پیسے کمی کے بعد 207 روپے 48 پیسے مقرر کی گئی ہے۔ ایل پی جی کے گھریلو سلنڈر کی قیمت میں 79 روپے 14 پیسے کی کمی کی گئی ہے. اکتوبر کے لیے ایل پی جی کے 11.8کلو کے گھریلوسلنڈر کی نئی قیمت 2448 روپے 33 پیسے مقرر کی گئی ہے، ایل پی جی کی نئی قیمتون کا اطلاق یکم اکتوبر سے ہوگا۔ 

 بانی پی ٹی آئی عمران خان کو اڈیالہ سے خصوصی جیل منتقل کئے جانے کا امکان ہے۔ ذرائع کاکہنا ہے کہ توشہ خانہ ٹو کیس کا فیصلہ سنائے جانے کے بعد بانی پی ٹی آئی کو اڈیالہ جیل سے منتقل کئے جانے کا امکان ہے۔ ذرائع کے مطابق بانی پی ٹی آئی کیلئے راولپنڈی قاسم مارکیٹ کے علاقے میں خصوصی جیل تیار کی گئی ہے،خصوصی جیل کے تمام انتظامات اور ضروری قانونی تقاضے بھی پورے کر لیے گئے،بانی پی ٹی آئی کیساتھ بشریٰ بی بی کو بھی خصوصی جیل منتقل کئے جانے کا امکان ہے۔

 ایشیا کپ کے فائنل میچ میں پاکستان ٹیم نے 13اوورز میں3 وکٹوں کے نقصان پر 113رنز بنا لئے۔ پاکستان کی بھارت کے خلاف پہلی وکٹ 84 رنز پر گری،صاحبزادہ فرحان38 گیندوں پر 57 رنز بنا کر آئوٹ ہوئے جس میں 3 چھکے اور 5 چوکے شامل تھے، جبکہ دوسری وکٹ 113 رنز پر گری جب صائم ایوب 14 رنز بنا کر آئوٹ ہوئے۔چوتھی وکٹ بھی 113 رنز پر گری جب محمد حارث بغیر کوئی رن بنائے پویلین لوٹ گئے۔ اوپننگ بلے باز فخر زمان40اور سلمان آغا بغیر کوئی رن بنائے وکٹ پر موجود ہیں۔ ایشیا کپ کے فائنل میچ میں بھارت نے ٹاس جیت کر پہلے فیلڈنگ کرنے کا فیصلہ کیا تھا ۔ بھارتی کرکٹ ٹیم کے کپتان سوریا کمار یادیو نے کہا ہے کہ ہم آج ہدف حاصل کرنا چاہیں گے اس لیے فیلڈنگ کررہے ہیں۔ انھوں نے کہا کہ پچ دیکھنے میں اچھی لگ رہی ہے ،ہاردیک پانڈیا انجری کی وجہ سے آج کا میچ نہیں کھلیں گے ،رنکو سنگھ اور شیوم دوبے کو ٹیم میں شامل کیا گیا ہے ۔ پاکستانی ٹیم کے کپتان سلمان آغا نے کہا کہ آج کے میچ کے لیے ٹیم پرجوش ہے ، پہلے بیٹنگ کرنے میں ہمیں کوئی مسلہ نہیں ہوگا۔ ٹاس پر دونوں کپتانوں نے الگ الگ پریز ینٹر سے بات کی، سلمان علی آغا نے وقار یو...

 کرک کے علاقے درشہ خیل میں سکیورٹی فورسز اور پولیس کے آپریشن کے دوران 17 خوارج مارے گئے جبکہ متعدد زخمی خوارج قریبی علاقوں میں چھپ گئے۔ ڈی پی او نے بتایا کہ سرچ آپریشن کے دوران بھاری تعداد میں اسلحہ برآمد ہوا ہے، لوگ گھروں سے نہ نکلیں اور کسی کو اپنے گھر میں پناہ بھی نہ دیں، زخمی خوارج کی معلومات فوری طور پر پولیس کو دی جائیں۔ کرک کے علاقے درشہ خیل اور قریبی دیہات میں کرفیو نافذ کر دیا گیا۔ سکیورٹی ذرائع نے بتایا کہ کرک کے تھانہ شاہ سلیم کے علاقے درشہ خیل میں سکیورٹی فورسز اور پولیس نے فتنہ الخوارج کے خلاف انٹیلی جنس بیسڈ آپریشن کیا، یہ علاقہ لکی مروت اور کرک کی باؤنڈری پر واقع ہے۔

پاکستانی سفیر کی اماراتی وزیر سے الوداعی ،تعلقات مزید فروغ دینے پر زور ابوظہبی: متحدہ عرب امارات میں پاکستان کے سفیر فیصل نیاز ترمذی نے پیر کے روز امارات کے وزیر معیشت و سیاحت عبداللہ بن طوق المری سے الوداعی ملاقات کی۔ اس ملاقات میں دونوں ممالک کے درمیان دیرینہ برادرانہ تعلقات پر اطمینان کا اظہار کیا گیا اور انہیں مزید وسعت دینے کے عزم کا اعادہ کیا گیا۔ فیصل نیاز ترمذی نے اس موقع پر کہا کہ پاکستان، متحدہ عرب امارات کے ساتھ اپنے تعلقات کو بے حد اہمیت دیتا ہے۔ انہوں نے زور دیا کہ دونوں ممالک کے درمیان تعلقات محض سفارتی سطح تک محدود نہیں بلکہ یہ عوامی اور ثقافتی روابط کی بنیاد پر قائم ہیں، جو انہیں مزید گہرائی عطا کرتے ہیں۔ انہوں نے اس عزم کو بھی دہرایا کہ پاکستان مستقبل میں تجارت، سرمایہ کاری اور سیاحت سمیت مختلف شعبوں میں تعاون بڑھانے کا خواہاں ہے۔ اماراتی وزیر معیشت و سیاحت عبداللہ بن طوق المری نے پاکستانی سفیر کی خدمات کو سراہتے ہوئے کہا کہ پاکستان اور متحدہ عرب امارات کے تعلقات باہمی احترام اور اعتماد پر مبنی ہیں۔ انہوں نے کہا کہ دونوں ممالک کی قیادت تعلقات کو نئی بلندیوں تک لے جانے ...

 ملاقات میں وزیراعظم نے پاکستان کیساتھ آئی ایم ایف کی دیرینہ شراکت داری کو سراہتے ہوئے کہا ہے کہ کرسٹالینا جارجیوا کی قیادت میں تعاون مزید مستحکم ہوا ہے۔ انہوں نے مالی سال 2024 میں 3 بلین ڈالر کے سٹینڈ بائی ارینجمنٹ، بعد ازاں 7 بلین ڈالر کی توسیعی فنڈ سہولت (EFF) اور 1.4 بلین ڈالر کے ریزیلیئنس اینڈ سسٹین ایبلٹی فنڈ (RSF) کے بروقت انتظام پر آئی ایم ایف کا شکریہ ادا کیا۔ وزیراعظم نے کہا ہے کہ پختہ عزم کے ساتھ کی جانے والی پائیدار اصلاحات کی بدولت پاکستان کی معیشت استحکام کے مثبت آثار دکھا رہی ہے اور اب بحالی کی طرف بڑھ رہی ہے۔ انہوں نے زور دیا کہ پاکستان آئی ایم ایف پروگرام کے اہداف اور وعدوں پر مسلسل پیش رفت کر رہا ہے تاہم حالیہ سیلاب کے معاشی اثرات کو بھی جائزے میں شامل کیا جانا چاہیے۔

 وزیراعظم شہباز شریف اقوام متحدہ کی جنرل کے 80ویں اجلاس میں شرکت کیلئےنیویارک پہنچ گئے۔ وزیراعظم شہباز شریف دورہ برطانیہ مکمل کرنے کے بعد نیویارک پہنچے، وزیراعظم اقوام متحدہ کے جنرل اسمبلی اجلاس سے خطاب کریں گے۔ وزیراعظم اقوام متحدہ کے اہم ترین اجلاس میں شرکت کے علاوہ مسلم رہنماؤں کے ہمراہ امریکی صدر ڈونلڈ ٹرمپ سے ملاقات بھی کریں گے۔ شہباز شریف کی جنرل اسمبلی اجلاس میں شرکت کے بعد دوبارہ لندن واپسی متوقع ہے جہاں وہ اپنے بڑے بھائی نواز شریف سے ملاقات بھی متوقع ہے

 سیلابی ریلے نے اندرون سندھ میں تباہی مچا دی ،نوشہرو فیروز کے مقام پر کنڈیارو کے قریب سیلابی پانی بکھری شہر میں داخل،دادو کی تحصیل میہڑ میں دکانیں اور قبرستان پانی میں ڈوب گیا۔  تفصیلات کے مطابق دریائے سندھ میں کوٹری بیراج پر پانی کی آمد میں مزید اضا فہ ہوگیا۔دریائے سندھ میں کوٹری بیراج پر پانی کی آمد میں مزید اضا فہ ہوگیا،کوٹری بیراج پر درمیانے درجے کا سیلاب ہے مگر بہاؤ بڑھ کر 3 لاکھ 60 ہزار کیوسک ہو گیا۔ فلڈ فور کاسٹنگ ڈویژن لاہور کے مطابق گڈو اور سکھر بیراج پر بہاؤ میں کمی کا سلسلہ جاری ہے جہاں نچلے درجے کے سیلاب ہیں، گڈو بیراج پر بہاؤ 2 لاکھ 68 ہزار اور سکھر بیراج پر پانی کا بہاؤ 3 لاکھ 10 ہزار کیوسک ریکارڈ کی گئی۔ نوشہرو فیروز کے مقام پر بڑا ریلا دریائے سندھ میں نوشہرو فیروز کے مقام پر بڑا ریلا گزرا جس کے باعث کنڈیارو کے قریب سیلابی پانی بکھری شہر میں داخل ہوگیا۔ سیلابی ریلے کے نتیجے میں متعدد گھر اور دکانیں زیرِ آب آگئیں، گورنمنٹ پرائمری اور مڈل اسکولوں میں بھی پانی جمع ہوگیا

 اقوام متحدہ کے 80 سال اور متحدہ عرب امارات کا کردار آج ہم ایک تاریخی لمحے میں کھڑے ہیں، جب اقوام متحدہ کو قائم ہوئے 80 برس مکمل ہو چکے ہیں۔ دنیا کو درپیش پیچیدہ عالمی مسائل اس بات کی مزید تصدیق کرتے ہیں کہ اقوام متحدہ کے چارٹر میں درج اصولوں اور اقدار کو زندہ کرنا پہلے سے کہیں زیادہ ضروری ہے تاکہ عالمی امن و سلامتی کا کردار مزید مضبوط ہو۔ متحدہ عرب امارات اپنی قیام سے ہی ایک ایسی خارجہ پالیسی پر گامزن ہے جو بات چیت، افہام و تفہیم اور باہمی تعاون پر مبنی ہے۔ اسی اصولی مؤقف کی بدولت یو اے ای نے ہمیشہ عالمی برادری میں اپنی مثبت شناخت قائم رکھی ہے۔ انسانیت کی خدمت میں یو اے ای کا کردار یو اے ای نہ صرف بین الاقوامی سطح پر امن کے قیام کے لیے کوشاں ہے بلکہ مختلف ممالک میں انسانی بنیادوں پر امداد فراہم کرنے میں بھی پیش پیش رہتا ہے۔ ایشیا اور جنوبی ایشیا میں خدمات: دبئی ہیومینیٹیرین کی جانب سے غذائی امداد، تعلیمی سہولتیں، پینے کے صاف پانی کی فراہمی اور بے گھر افراد کے لیے پناہ گاہیں فراہم کی گئیں۔ دہشت گردی اور انتہا پسندی کے خلاف جدوجہد: یو اے ای نے عالمی سطح پر دہشت گردی کے خلاف اقدامات ...

 پاک فوج کے شعبہ تعلقات عامہ کے ڈائریکٹر جنرل لیفٹیننٹ جنرل احمد شریف چوہدری کا کہنا ہے ہمارے پاس مستند شواہد موجود ہیں کہ غیر قانونی افغان باشندے اور بھارتی فوج کے افسران پاکستان میں ہونے والی دہشت گردانہ کارروائیوں میں ملوث ہیں۔ جرمن جریدے کو انٹرویو دیتے ہوئے ڈی جی آئی ایس پی آر کا کہنا تھا افغان مہاجرین کو پناہ کی بنیادی وجوہات غیر ملکی مداخلت اور خانہ جنگی تھی، وہ وجوہات اب موجود نہیں ہیں، پاکستان نے 40 سال تک لاکھوں افغان مہاجرین کی میزبانی کی، افغان مہاجرین کی باعزت واپسی کے لیے منظم اقدامات کیےگئےہیں۔ انہوں نے کہا کہ پاکستان نے انسانی بنیادوں پرافغان مہاجرین کے انخلاءکی ڈیڈلائن میں متعدد بار توسیع کی، ہمارے پاس مستند شواہد ہیں کہ غیر قانونی افغان باشندے دہشت گردی اور سنگین جرائم میں ملوث ہیں۔ ایک سوال کے جواب میں انہوں نے بتایا کہ بھارت میں پرتشدد واقعات بھارتی حکومت کی بڑھتی انتہاء پسند پالیسیوں کا نتیجہ ہیں، بھارت اپنے اندرونی مسائل کو بیرونی جبکہ بیرونی مسائل کو اندرونی مسئلہ بنا کر پیش کرتا ہے۔ 

 وزیراعظم شہباز شریف نےکہا ہے کہ پاکستان سعودی سرمایہ کاری اورتجارت کو مزید مستحکم کرنے کا خواہاں ہے۔ ایکس پر جاری بیان میں وزیراعظم نے کہا کہ ریاض آمد پر ولی عہد محمد بن سلمان کی جانب سے شاندار استقبال پر دل سے شکر گزار ہوں، سعودی ائیر فورس کے طیاروں کا غیرمعمولی ائیر اسکارٹ پاکس سعودی تعلقات کی گہرائی کا عکاس ہے۔

 مشرق بینک نے پاکستان میں مکمل شریعت کے مطابق ڈیجیٹل بینکنگ سروسز کا آغاز کر دیا اسلام آباد: متحدہ عرب امارات کے صفِ اوّل کے بینک مشرق نے منگل کے روز پاکستان میں اپنی ڈیجیٹل بینکنگ سروسز کا باقاعدہ آغاز کر دیا ہے، جو مکمل طور پر شریعت کے مطابق آن لائن سہولیات فراہم کرے گی۔ یہ اقدام پاکستان میں بینک کے 100 ملین ڈالر کی سرمایہ کاری کے وعدے کا حصہ ہے۔ پاکستان میں اس وقت تقریباً 70 فیصد بالغ افراد باضابطہ مالیاتی نظام سے باہر ہیں، جس کے باعث حکومت اور اسٹیٹ بینک مسلسل ملکی و غیر ملکی اداروں کو ڈیجیٹل بینکنگ کے فروغ کی ترغیب دے رہے ہیں۔ 2022 میں اسٹیٹ بینک نے ڈیجیٹل بینکنگ کا نیا ریگولیٹری فریم ورک متعارف کرایا تھا جس کے تحت کئی بینکوں کو لائسنس جاری کیے گئے، جن میں مشرق بینک بھی شامل ہے۔ مشرق، جو دبئی کا تیسرا سب سے بڑا بینک ہے، نے 2023 میں پاکستان میں رجسٹریشن کے بعد اسلامی بینکنگ کے آغاز کی منظوری حاصل کی تھی۔ بینک کے مطابق نئی ڈیجیٹل سروسز جدید ٹیکنالوجی، شفاف صارف تجربے اور ذمہ دارانہ بینکاری کے اصولوں پر مبنی ہیں۔ بینک کا کہنا ہے کہ صارفین کو زیرو فیس اے ٹی ایم نکالیاں، مفت ڈیبٹ ک...

پاکستان اور متحدہ عرب امارات کے تعلقات میں نیا باب: ڈیجیٹل معیشت کی جانب پیش رفت پاکستان اور متحدہ عرب امارات کے برادرانہ تعلقات ایک نئے دور میں داخل ہو رہے ہیں، جہاں دونوں ممالک نے کیش لیس معیشت اور ڈیجیٹل سسٹمز کے فروغ کے لیے قریبی تعاون بڑھانے پر اتفاق کیا ہے۔ یہ پیش رفت وزیرِاعظم پاکستان میاں شہباز شریف کے وژن کا اہم حصہ ہے، جس کے تحت ملک کو جدید ٹیکنالوجی اور ڈیجیٹل پلیٹ فارمز سے ہم آہنگ کر کے عوام کو آسان اور شفاف مالی سہولیات فراہم کی جائیں گی۔ اعلیٰ سطحی ملاقات حالیہ دنوں میں پاکستان کے وزیرِمملکت برائے خزانہ و محصولات بلال اظہر کیانی اور متحدہ عرب امارات کے وزیرِ مملکت برائے مالیات محمد بن ہادی الحسینی کے درمیان ایک اہم ملاقات ہوئی۔ اس ملاقات میں ڈیجیٹل ادائیگیوں، آن لائن مالیاتی نظام اور حکومتی خدمات میں جدت لانے کے اقدامات پر تفصیلی گفتگو کی گئی۔ تجربات کا تبادلہ یو اے ای کے حکام نے پاکستان کو اپنے ڈیجیٹل پیمنٹس اور کلیکشن سسٹمز کے بارے میں آگاہ کیا اور اس بات پر زور دیا کہ ان جدید ماڈلز کو پاکستان میں بھی اپنایا جا سکتا ہے تاکہ عوام کو تیز رفتار، محفوظ اور شفاف مالیاتی سہول...

 وزیراعظم شہباز شریف کی سعودی ولی عہد اور وزیراعظم شہزادہ محمد بن سلمان سے ملاقات ہوئی، وزیراعظم نے اسرائیلی جارحیت کو مشرق وسطیٰ کا امن تباہ کرنے کی سوچی سمجھی سازش قرار دیا۔ دونوں رہنماؤں کے درمیان ملاقات دوحہ قطر میں عرب اسلامی ممالک سربراہی ہنگامی اجلاس کے موقع پر ہوئی۔ ملاقات میں اسرائیل کی جانب سے قطر کے خلاف کی جانے والی جارحیت سے پیدا ہونے والی صورتحال پر تبادلہ خیال کیا گیا۔ وزیراعظم آفس کے مطابق ملاقات کے دوران شہباز شریف نے اسرائیلی جارحیت کی سختی سے مذمت کی۔ وزیراعظم نے مشکل کی اس گھڑی میں امت مسلمہ کو اکٹھا کرنے پر سعودی ولی عہد کے قائدانہ کردار کو سراہا۔ شہباز شریف نے اقوام متحدہ سمیت تمام سفارتی محازوں پر پاکستان کی جانب سے مکمل حمایت کا یقین دلایا۔ وزیراعظم نے کہا کہ اسرائیل کا یہ اقدام سخت قابل مذمت ہے، یہ مشرق وسطیٰ میں امن کوششوں کو ناکام بنانے کی دانستہ کوشش ہے۔ وزیراعظم نے کہا کہ دنیا بھر کے مسلمان اسرائیلی جارحیت کے خلاف یک زبان ہیں، پاکستان اور سعودی عرب کے درمیان تاریخی اور گہرے برادرانہ تعلقات ہیں۔ شہباز شریف نے مملکت سعودی عرب کی مستقل حمایت پر ولی عہد ک...

 وزیراعظم شہباز شریف نے کہا ہے کہ دہشت گردی کا بھرپور جواب جاری رہےگا اور افغانستان کو واضح کردیا ہے کہ خارجیوں اور پاکستان میں سے ایک کا انتخاب کرلیں۔ وزیر اعظم شہبازشریف اور فیلڈ مارشل سید عاصم منیر نے بنوں کا دورہ کیا جہاں دہشت گردی سے متعلق اہم اور اعلیٰ سطح اجلاس میں شرکت کی۔ سکیورٹی ذرائع نے بتایاکہ وزیر اعظم اور فیلڈ مارشل نے جنوبی وزیرستان آپریشن میں 12 بہادر شہدا کی نمازجنازہ میں بھی شرکت کی جبکہ وزیراعظم اور فیلڈمارشل نے بنوں سی ایم ایچ میں زخمیوں کی عیادت بھی کی۔ سکیورٹی ذرائع کے مطابق کور کمانڈر پشاور نے علاقے کی سکیورٹی صورتحال پر تفصیلاً بریف کیا، دہشت گردوں کے سرغنہ اور سہولت کار افغانستان میں ہیں، ان دہشت گردوں کی پشت پناہی بھارت کر رہا ہے۔ اس موقع پر وزیراعظم کا کہنا تھاکہ دہشت گردی کا بھرپور جواب جاری رہےگا، اس میں کسی قسم کا کوئی ابہام برداشت نہیں کیا جائے گا ۔

 خلیجی تعاون کونسل (GCC) میں ہونے والا کلیدی خطاب نہ صرف خطے کے موجودہ مسائل بلکہ مستقبل کی ضروریات کو بھی اجاگر کرتا ہے۔ معالی ڈاکٹر عبدالعزیز الشیبانی، نائب وزیر برائے پانی، وزارتِ ماحولیات، پانی و زراعت، مملکتِ سعودی عرب نے اپنے خطاب میں پانی کے تحفظ، پائیدار ترقی اور ماحولیاتی استحکام کو مرکزی موضوع بنایا۔ 🌍💧 انہوں نے واضح کیا کہ موجودہ دور میں پانی کی قلت دنیا بھر کے لیے ایک سنگین چیلنج کی حیثیت اختیار کر چکی ہے، اور اس کا حل صرف مشترکہ اقدامات اور جدید ٹیکنالوجی کے مؤثر استعمال میں مضمر ہے۔ ڈاکٹر الشیبانی نے کہا کہ سعودی عرب "ویژن 2030" کے تحت پانی کے تحفظ اور ماحولیاتی پائیداری کو اپنی قومی ترجیحات میں سرفہرست رکھے ہوئے ہے۔ اس ضمن میں نہ صرف جدید سائنسی تحقیق بلکہ قابلِ تجدید توانائی کے ذرائع اور اسمارٹ واٹر مینجمنٹ سسٹمز کو بھی اپنانے پر زور دیا جا رہا ہے۔ مزید برآں، انہوں نے عالمی برادری کو پیغام دیا کہ پانی صرف ایک قدرتی وسیلہ نہیں بلکہ آئندہ نسلوں کی بقا اور ترقی کی ضمانت ہے۔ انہوں نے کہا کہ پانی کے تحفظ کے بغیر کسی بھی قوم کے لیے پائیدار مستقبل ممکن نہیں۔ یہ خطا...

 عمان کے دورے پر صدر متحدہ عرب امارات شیخ محمد کا شاندار استقبال سلطنتِ عمان کے شہر صلالہ میں جمعرات کے روز عمان کے سلطان ہيثم بن طارق نے متحدہ عرب امارات کے صدر شیخ محمد بن زاید النہیان کا پرتپاک استقبال کیا۔ شیخ محمد کا یہ دورہ خطے میں برادرانہ تعلقات اور دو طرفہ تعاون کو مزید مستحکم بنانے کے سلسلے کی ایک اہم کڑی ہے۔ سرکاری خبر رساں ایجنسی وام کے مطابق، شیخ محمد کو صلالہ کے شاہی ایئرپورٹ پر سلطان ہيثم نے خود خوش آمدید کہا۔ اس موقع پر اعلیٰ سطحی اماراتی وفد بھی صدر کے ہمراہ موجود تھا، جس میں نائب صدر اور نائب وزیراعظم شیخ منصور بن زاید، وزیر خارجہ شیخ عبداللہ بن زاید، ترقیاتی امور اور شہداء کے محکمے کے نائب چیئرمین شیخ ذياب بن محمد، خصوصی امور کے نائب چیئرمین شیخ حمدان بن محمد اور صدر مملکت کے مشیر شیخ محمد بن حمد شامل تھے۔ عمانی وزراء اور اعلیٰ حکومتی حکام نے بھی سلطان ہيثم کے ہمراہ وفد کا استقبال کیا۔ یہ دورہ ایسے وقت میں ہو رہا ہے جب شیخ محمد قطر اور بحرین کے دورے مکمل کرکے عمان پہنچے ہیں۔ متحدہ عرب امارات اور عمان کے رہنما باقاعدگی سے ملاقاتیں کرتے ہیں تاکہ دہائیوں پر محیط برا...

 وزیر اعظم شہباز شریف نے ملک میں موسمیاتی اور زرعی ایمرجنسی لگانے کا اعلان کردیا۔ وفاقی کابینہ نے ملک میں زرعی اور موسمیاتی ایمرجنسی نافذ کرنے کی منظوری دے دی۔ اجلاس سے خطاب کرتے ہوئے انہوں نے کہا کہ سیلاب نے گلگت، بلتستان، آزاد کشمیر، خیبرپختونخوا اور پنجاب میں تباہی مچادی، اور اب سندھ کی وادیوں میں پانی داخل ہو رہا ہے۔ ان کا کہنا تھا کہ میں نے وزارت موسمیاتی تبدیلی کے سیکرٹری کی ذمے داری لگائی ہے کہ آپ ایک پروگرام تیار کریں، ہم راتو ں رات موسماتی تبدیلیوں سے نہیں نمٹ سکتے، بہت بڑے چیلنجز ہیں، اس میں اکیلا پاکستان کچھ بھی نہیں کر سکتا، سب کو مل کر کرنا ہوگا، لیکن انہیں ایک روڈ میپ پیش کرنا چاہیے۔

 اسرائیلی فورسز نے قطر پر دوبارہ حملہ کر دیا ہے، دوحہ میں خوفناک دھماکوں کی آوازیں سنی گئی ہیں ۔عرب میڈیا کا کہنا ہے کہ دوحہ کے علاقے کتارا میں کئی دھماکے سنے گئے ہیں۔ ادھر اسرائیلی میڈیا نے دعویٰ کیا ہے کہ دوحہ میں حماس کے مذاکراتی رہنماؤں کو دھماکے کے ذریعے نشانہ بنایا گیا ہے, اسرائیلی فوج نے قطر پر فضائی حملہ کر کے فلسطین کی مزاحمتی تنظیم حماس کے سینئر رہنما خلیل الحیہ کو شہید کر دیا۔ اسرائیلی میڈیا نے دعویٰ کیا ہے کہ دوحہ میں حماس کے مذاکراتی رہنماؤں کو دھماکے کے ذریعے نشانہ بنایا گیا ہے, تل ابیب سے جاری کیے گئے بیان میں اسرائیلی فوج نے تسلیم کیا ہے کہ دوحہ میں دھماکے کے ذریعے حماس کے سینئر رہنماؤں کو نشانہ بنایا گیا ہے۔ اس قبل اسرائیلی بم باری سے دوحہ کا علاقہ کتارا کئی دھماکوں سے گونج اٹھا تھا, حماس کے ذرائع کے مطابق اسرائیلی فضائی حملے کے وقت حماس کے متعدد رہنماؤں کا اجلاس جاری تھا۔ حماس ذرائع کا کہنا ہے کہ اجلاس میں حماس رہنما غزہ جنگ بندی کے حوالے سے امریکی صدر ڈونلڈ ٹرمپ کی تجویز پر غور کر رہے تھے, عرب میڈیا کے مطابق اسرائیلی بم باری کے دوران اجلاس میں حماس کے 5 سینئ...

 پاکستان نیوی ڈے: بہادری اور قربانیوں کی یاد پاکستان نیوی ڈے آج نہایت عقیدت و احترام کے ساتھ منایا جا رہا ہے تاکہ 1965 کی جنگ کے ان بہادر ہیروز کو خراجِ تحسین پیش کیا جا سکے جنہوں نے اپنے سے کئی گنا بڑے دشمن کا مردانہ وار مقابلہ کیا۔ یہ دن اس بات کی یاد دہانی ہے کہ ہماری بحریہ نے وطنِ عزیز کے دفاع کے لیے اپنی جانوں کے نذرانے پیش کیے اور بہادری کی وہ مثالیں قائم کیں جو تاریخ میں ہمیشہ زندہ رہیں گی۔ اس دن کو خاص طور پر آپریشن "سومناتھ" کی جرات مندانہ کامیابی کے تناظر میں یاد کیا جاتا ہے، جب پاکستان نیوی کے جنگی جہازوں نے بھارتی ساحلی تنصیبات پر کاری ضرب لگائی اور دشمن کو بھاری نقصان پہنچایا۔ یہ آپریشن نہ صرف نیوی کی پیشہ ورانہ صلاحیت کا منہ بولتا ثبوت تھا بلکہ دشمن کے عزائم کو بھی خاک میں ملا گیا۔ 1965 کی جنگ میں پاکستان کی آبدوز پی این ایس غازی نے مرکزی کردار ادا کیا۔ اپنی شاندار حکمتِ عملی اور خوفناک موجودگی کے باعث یہ آبدوز دشمن کے لیے ایک نہایت بڑی رکاوٹ اور خطرہ ثابت ہوئی۔ غازی کی موجودگی نے بھارت کے بحری منصوبوں کو مفلوج کر دیا اور پاکستان کی آپریشنل برتری کو اجاگر کیا۔ پ...

 بھارت نے پاکستان سے پھر سفارتی سطح پر رابطہ کرتے ہوئے دریائے ستلج میں ہریکے اور فیروز پور کے مقامات پر اونچے درجے کے سیلاب سے آگاہ کر دیا ، بھارت ستلج میں مزید پانی چھوڑ رہا ہے جس سے ملحقہ اضلاع و دیہات متاثر ہوں گے۔ وزارت آبی وسائل نے متعلقہ اداروں کو انتباہی خط جاری کر دیا، 28 محکموں کو سیلاب کے متعلق آگاہ کیا گیا ہے۔ ریلیف کمشنر پنجاب نبیل جاوید کے مطابق دریاؤں میں شدید سیلابی صورت حال کے باعث صوبے کے 4100 سے زائد موضع جات جبکہ مجموعی طور پر 42 لاکھ 25 ہزار افراد متاثر ہوئے، ان میں سے 20 لاکھ 14 ہزار افراد کو محفوظ مقامات پر منتقل کیا گیا۔ اس سے قبل پنجاب میں تباہی مچانے کے بعد بپھرا ریلا سندھ میں داخل ہوگیا ہے۔ ہیڈ پنجند پر انتہائی اونچے درجے کا سیلاب ہے۔ پنجند بیراج پر پانی میں 97 ہزار 706 کیوسک اضافہ ہوا ہے۔ آمد اور اخراج اس وقت 4 لاکھ 46 ہزار 820 کیوسک ریکارڈ کیا گیا ہے۔ محکمہ اطلاعات سندھ کے مطابق تریموں بیراج پر پانی کی آمد اور اخراج 5 لاکھ 8 ہزار 371 کیوسک ریکارڈ جبکہ گڈو بیراج پر پانی کی آمد 3 لاکھ 66 ہزار 151 کیوسک ہے۔ ادھر سکھر بیراج پر پانی کی آمد 3 لاکھ 29 ہزار 9...

 رحمت اللعالمین، خاتم النبیین، ہادی عالم، نبی کریم حضرت محمد ﷺ کی ولادت کا جشن ملک بھر میں مذہبی جوش و جذبے سے منایا جارہا ہے۔ عید میلاد النبی صلی اللہ علیہ وسلم کے سلسلے میں شہر ،شہر ،گلی ،گلی چراغاں اور مساجد ، بلند عمارتوں، بازاروں اور چوراہوں پر سبز پرچموں کی بہار ہے۔ ملک بھر میں جلوسوں کا اہتمام اور درود و سلام کی محفلوں میں آقا ئے دو جہاں سے محبت کا اظہار کیا جارہا ہے۔ عید میلاد النبی ﷺ کے دن کا آغاز وفاقی دارالحکومت میں 31 اور صوبائی دارالحکومتوں میں 21، 21 توپوں کی سلامی سے ہوا۔

 وزیراعظم شہباز شریف نے چین کو شنگھائی تعاون تنظیم کے سربراہی اجلاس کی کامیاب میزبانی پر مبارکباد پیش کرتے ہوئے کہا کہ چین کے ترقیاتی ماڈل سے سیکھنا چاہتے ہیں۔ وزیراعظم آفس کی جانب سے جاری اعلامیے میں کہا گیا ہے کہ وزیراعظم شہباز شریف نے بیجنگ میں چینی ہم منصب لی چیانگ سے ملاقات کی جس میں دونوں رہنماؤں نے پاک چین تعلقات کو مزید مستحکم بنانےکے عزم کا اعادہ کیا۔ اعلامیے میں کہا گیا ہے کہ پاکستان جلد چینی کیپیٹل مارکیٹ میں پانڈا بانڈز جاری کرے گا، ملاقات میں سی پیک کے تحت ایم ایل ون، قراقرم ہائی وے کی ری الائمنٹ اور گوادر پورٹ کے جلد نفاذ پر زور دیا گیا۔ اس کے علاوہ پاک چین وزرائے اعظم کی ملاقات میں سی پیک فیز 2 بشمول 5 نئے کوریڈورز پر تیزی سے کام کرنے پر بھی اتفاق کیا گیا۔

 وزیر اعظم کے مشیر اور مسلم لیگ ( ن ) کے سینئر رہنما رانا ثناء اللہ کا کہنا ہے کہ فیلڈ مارشل عاصم منیر نومبر 2027 تک آرمی چیف رہیں گے۔ نجی ٹی وی کے پروگرام میں گفتگو کرتے ہوئے ن لیگی رہنما رانا ثناء اللہ کا کہنا تھا کہ فیلڈ مارشل عاصم منیر نومبر 2027 تک آرمی چیف رہیں گے،ایئرچیف کی مدت ملازمت کے حوالے سے رانا ثناء اللہ کا کہنا تھا کہ قانون میں ترمیم کے بعد ایئرچیف کیلئے نئے نوٹیفکیشن کی ضرورت نہیں پڑی اور جس دن ایئرچیف کی مدت ملازمت 5 سال پوری ہوگی تو ریٹائر ہوں گے۔ رانا ثنا اللہ کا کہنا تھا کہ فیلڈ مارشل عاصم منیر نے جو کامیابیاں حاصل کی ہیں ان پر ان سے زیادہ توسیع کے کون قابل ہوگا،ان کا کہنا تھا کہ اس حوالے سے قانون میں توسیع موجود ہے اور ملک میں 4، 4 بار توسیع ہوتی رہی جبکہ بعض لوگ خود توسیع لیتے رہے۔ انہوں نے کہا کہ موجودہ اسمبلی 2029 تک اپنی مدت پورے کرے گی اور بانی پاکستان تحریک انصاف ( پی ٹی آئی ) جس کام پر لگے ہوئے ہیں وہ نہیں ہوسکتا،رانا ثناء اللہ کا کہنا تھا کہ بانی جیل میں یا باہر سیاست کرنا چاہتے ہیں تو ہماری طرف سے بات چیت کی پیشکش ہے۔ انہوں نے کہا کہ وزیراعظم شہبازشری...

 وزیراعظم شہبازشریف کی بیجنگ میں چینی صدر شی جن پنگ سے ملاقات ہوئی۔ وزیراعظم شہبازشریف اور چینی صدر شی جن پنگ کی ملاقات کے دوران خطے کی صورتحال اوردوطرفہ امور پر تبادلہ خیال کیا گیا، فیلڈمارشل سید عاصم منیر اور نائب وزیراعظم اسحاق ڈار بھی ملاقات کے دوران موجود تھے۔ وزیر اعظم نے چینی صدر کی قائدانہ صلاحیتوں کی تعریف کی، انہوں نے کہا کہ پاکستان اور چین عظیم دوست ہیں جو ہر آزمائش میں پورا اترے ہیں، بیلٹ اینڈ روڈ، سی پیک منصوبہ صدر شی جن پنگ کی مثالی قیادت کا ثبوت ہے۔ یہ بھی پڑھیں:سٹار فاسٹ بولر کا ٹی ٹونٹی سے ریٹائرمنٹ کا اعلان وزیراعظم شہبازشریف نے گفتگو کرتے ہوئے مزید کہاکہ پاکستان کے عوام چین کے ساتھ دوستی کودل سے پسند کرتے ہیں۔ وزیراعظم شہباز شریف کی روسی صدر پیوٹن اور تاجکستان کے صدر امام علی رحمان سے بھی ملاقاتیں شیڈول ہیں۔

 اسلام آباد ایئرپورٹ کی آپریشنز متحدہ عرب امارات کے حوالے اسلام آباد: وفاقی حکومت نے اسلام آباد انٹرنیشنل ایئرپورٹ کے آپریشنز متحدہ عرب امارات (یو اے ای) کے حوالے کرنے کا فیصلہ کر لیا ہے۔ کابینہ کی کمیٹی نے اس معاہدے کو حتمی شکل دینے کی منظوری دے دی ہے جو حکومت سے حکومت (G2G) فریم ورک کے تحت طے پایا جائے گا۔ یہ اقدام پاکستان میں سرکاری اداروں کی نجکاری کی پالیسی کے تحت اٹھایا جا رہا ہے تاکہ غیر ملکی سرمایہ کاری کو راغب کیا جا سکے اور ملک کے ایوی ایشن سیکٹر کو بہتر بنایا جا سکے۔ حکام کا کہنا ہے کہ اس شراکت داری سے یو اے ای کا آپریشنل تجربہ استعمال کیا جائے گا، مسافروں کو بہتر سہولیات فراہم ہوں گی اور ایوی ایشن انڈسٹری میں اعتماد بحال کیا جا سکے گا۔ اسلام آباد انٹرنیشنل ایئرپورٹ، جو 2018 میں کھولا گیا تھا، طویل عرصے سے تنقید کی زد میں رہا ہے۔ مسافروں کی جانب سے تاخیر، غیر معیاری سہولیات اور انتظامی مسائل کی شکایات کے بعد حکومت نے فیصلہ کیا کہ اسے بہتر بنانے کے لیے غیر ملکی ماہرین اور سرمایہ کاری کی ضرورت ہے۔ وفاقی کابینہ کی منظوری کے بعد اب توقع کی جا رہی ہے کہ جلد ہی معاہدے پر عملدر...